悲戀的公路
作詞：葉俊麟　作曲：日本曲

放捨著心愛的人　一時心茫茫
車前燈照著街路　夜雨搧車窗
一切的戀情永遠是無望　何必來再想加添苦痛
啊....暗瞑的　暗暝的公路送阮要離開

雨水滴潑入窗內　親像阮目屎
冷冰冰留著情恨　凍冷阮癡愛
初次的熱情已經是失敗　應該著看破解消悲哀
啊....冷淡的　冷淡的公路送阮要離開

黑暗天帶著悲情　雨水落袂停
在車內想東想西　也是無路用
暗淡的前途一定是薄倖　不管伊變成什麼人生
啊....憂悶的　憂悶的公路送阮要離開