田庄兄哥~黃西田
作詞：葉俊麟　
作曲：日本曲　
演唱：黃西田&黃三元

喔～不願擱鼻田庄土味　所以要來再會啦
趁著機會趁著機會　火車載阮要去喲
總是交代彼個心愛的小姑娘　叫伊免耽憂
來去都市若賺有錢　我會返來喲
售售哺哺售哺哺　惦車內搖來搖去也搖到台南

喔～不願擱騎犁田水牛　所以要來再會啦
趁著機會趁著機會　火車載阮要去喲
想起小姑娘的迷人紅嘴唇　一時心憂悶
為著將來你咱幸福　暫時忍耐喲
售售哺哺售哺哺　惦車內搖來搖去也搖到台中

喔～不願擱聽水蛙咯咯　所以要來再會啦
趁著機會趁著機會　火車載阮要去喲
最好你我暝日身體若平安　我不驚艱難
那有時間一定寫批　安慰著你喲
售售哺哺售哺哺　惦車內搖來搖去已經到台北