作詞：王昶雄 作曲：呂泉生
編曲：陳吉士

阮若打開心內的門　就會看見五彩的春光
雖然春天無久長　總會暫時消阮滿腹辛酸
春光春光今何在　望你永遠在阮心內
阮若打開心內的門　就會看見五彩的春光

阮若打開心內的窗　就會看見心愛彼個人
雖然人去樓也空　總會暫時乎阮心頭輕鬆
所愛的人今何在　望你永遠在阮心內
阮若打開心內的窗　就會看見心愛的彼個人

阮若打開心內的門　就會看見故鄉的田園
雖然路頭千里遠　總會暫時乎阮思念想欲返
故鄉故鄉今何在　望你永遠在阮心內
阮若打開心內的門　就會看見故鄉的田園

阮若打開心內的窗　就會看見青春的美夢
雖然前途無希望　總會暫時消阮滿腹的怨嘆
青春美夢今何在　望你永遠在阮心內
阮若打開心內的窗　就會看見青春的美夢