陳奕迅 - 葉問風中轉

作曲︰Eric Kwok
作詞︰林敏驄
編曲︰蘇德華 / Joseph Ip
監製︰Joseph Ip

葉師父，可唔可以收我為徒？
黐線！駛開啦肥仔！
唔得？冇嘢呀嗎？！

遇師公遞熱茶 情願來為師父淋花
詠春威力無窮 如練成其它不用怕

木樁不是木頭 游刃如情感的木瓜
蛋撻雖是彈牙 其實係師公食架

Ba La Ba La 風中轉吧 Ba La Ba La 出手啦
Ba La Ba La 出手砌吧 葉問話武術如浪花
Ba La Ba La 師父訓話 Ba La Ba La 玩玩嚇
Ba La Ba La 師父責罵 葉問話我好鬼馬

右手伸直… 雙掌平推… 雙腿下垂… 唔準抽水… 再嚟！

遇宗師遞熱茶 平日來為師父通淋巴
詠春威力無窮 如練成其它不用怕

內心怎亂如麻 情願如情感的傻瓜
練功不練內容 其後來混身都是痛

Ba La Ba La 風中轉吧 Ba La Ba La 玩玩嚇
Ba La Ba La 出手砌吧 葉問話武術如畫畫
Ba La Ba La 身體向下 黐手黐根黐花花
Ba La Ba La 師父責罵 葉問話我好到家

葉問問我食唔食蝦 葉問話你先跳 Cha Cha
葉問問我食唔食瓜 葉問話睇得好化
Ba La Ba La 彷佛見著 彷佛真的師公出馬
幅相彷佛師公媽媽 葉問話:「嚇？唔係呀化？」

1234 5678 7654 3210 請記住我電話號碼 唔該

Ba La Ba La 風中轉吧 Ba La Ba La 玩玩嚇
Ba La Ba La 出手砌吧 葉問話武術如畫畫
Ba La Ba La 身體向下 黐手黐身黐脾罅
Ba La Ba La 師父責罵 葉問話我好到家

葉問問我食唔食蝦 葉問話你先跳 Cha Cha
葉問問我食唔食瓜 葉問話睇得好化
葉問鬧我大條道理 葉問話我骨格精奇
葉問問我去邊處做 Gym 葉問在風中打轉

Rap :葉問，你是我的靈魂，葉問，咪再成日閉目養神
我個名叫做Eason你瘦過條藤我就有啲肥屯屯
你成日著長衫，我都有時著裙，葉問，你嘅日子已經來臨
你家陣紅到發紫我要做埋你嗰management
你有冇出過閃卡，有冇出過攬枕？
我話比武招親，你話當我抅痕

我想你教我武功你又話對牛彈琴
咁多部戲你都有份睇到我溫溫燉燉
葉問，我一見你我就會手震，
葉問，你一見我就頭痕，
葉問，我已經長大成人，
葉問，你好嗱嗱林教我用張接櫈，
我帶你上獎門人，李小龍個龍呀，
葉問個問…葉問你做乜揸住我條橡根？喂喂喂，葉問，做乜咁快走人呀？