賣菜義仔~黃西田
演唱：黃西田

賣菜義啊囉.....
透早出門做生意　不管酸風冷吱吱
擔著青菜向菜市啊一直去
為著要趕早市　不敢惦著做延遲
緊來走　緊來去
目一下睨　看一下去
已經走到菜市啊邊
嘿!嘛真加在　對面攏也沒人來擺
我對緊來開市嘛這應該　咦．．．．

喔！遠遠看到小姐提菜籃對這來
你是今日第一個人客應該對犧牲大減價
我的菜色是真多　應有盡有沒問題
你要芹菜高麗菜　菠玲菜　ａ啊菜
茼窩菜　捲心白菜　韭菜　花啊菜
也有那種吃了會補血的紅光菜
人講冬瓜清涼會開脾
金瓜好吃會助胃
苦瓜先苦而後甜
菜瓜吃到會順口
小姐愛吃是煙遂(香菜)
這是初戀的氣味　包你愛情會順勢(順利)

講到下巴強要落下去
小姐一時心花開　洶洶(忽然)才開嘴
問我蔥頭一斤多少錢　賸下的伊都沒愛的
害我聽到強要昏落去

講到天花甲亂墜　只有賺你一元二角錢
想到真吐氣(嘆氣)
啊．．．．
為著三頓不得已
較苦嘛著忍耐度時機