安平追想曲
作詞：陳達儒　作曲：許石 演唱：許石

身穿花紅長洋裝　風吹金髮思情郎
想郎船何往　音信全無通　伊是行船仔逐風浪
放阮情難忘　心情無塊講　相思寄著海邊風
海風無情笑阮憨　啊！不知初戀心茫茫

相思情郎想自己　不知爹親二十年
思念想要見　只有金十字　給阮母親仔做為記
放阮私生兒　聽母初講起　越想不幸越哀悲
到底現在生也死　啊！伊是荷蘭的船醫

想起母子的運命　心肝想爹也怨爹
別人有爹疼　阮是母親晟　今日青春孤單影
全望多情兄　望兄的船隻　早日回歸安平城
安平純情金小姐　啊！等你入港銅鑼聲