一張桌X四四方，紙筆墨硯在中央；
一介書生無停寫，寫出幾多好文章。
八月裡來桂花香，一陣秋雨一陣涼；
一支甘蔗十八想，想去想轉都想娘。
不受塵埃半點侵，竹籬茅舍自甘心；
只因毋識林和靖，惹得詩人講到今。
雲母屏風燭影深，長河漸落曉星沉；
嫦娥應悔偷靈藥，碧海青天夜夜心。
花開滿園自然香，八月秋風自然涼；
初一殺豬十五賣，臭肉煎油假清香。
行路愛行路中心，兩片樹X好遮陰；
連妹愛連有情妹，千里路遙會來尋。
河霸洗菜井水盪，大鑊煮來細碗裝；
鑊撩使到牽牽轉，等候吾哥轉家鄉。
膽又大來心又貪，毋到黃河心不甘；
敢上南山打猛虎，敢捉蛟龍落龍潭。
食鹹食甜臭腳痌，毋賒毋欠毋受嫌；
現錢買賣無賒欠，甘蔗好食目目甜。
入山看到藤纏樹，出山看到樹纏藤；
樹死藤生纏到死，樹生藤死死也纏。
只有相思淚兩行，陽關三疊苦難當；
兩地相思難見面，恰似織女對牛郎。
一人撥扇兩人涼，一樹開花滿山香；
柑X共皮無共斂，兩人各姓共心腸。
白白淨淨捱無貪，烏烏赤赤捱無嫌；
阿哥可比當梨樣，越烏越赤心越甜。
新打鐮刀白光光，鐮刀割草利霜霜；
哪有鐮刀毋割草，哪有妹子毋戀郎。
新打茶壺七寸高，十人看到九人摸；
人人都講係好錫，到底不知有鉛無。
日頭落山滿山紅，我們分別在路中；
心想同郎共下去，無奈心同路不同。