晚頭仔水蛙
作詞：盧玉林　作曲：盧玉林　編曲：余大豪

日頭漸漸落山後　田頭田尾水蛙咯咯哮
哮的聲哈哈哈　哈哈　哈哈哈
這甘不是小隻水蛙仔佇咧哭
曖唷咧哭　無伴甲伊來蹉跎. . .
站在彼邊田仔頭　目睭匿一個匿一個
哈哈　哈哈哈　無伴佇咧哭

晚頭水蛙尚愛吃蚯蚓　厝頭厝後四界佇咧巡
哮的聲哈哈哈　哈哈　哈哈哈
這甘不是大的水蛙仔佇咧哭
曖唷叫著　相好的甲伊來蹉跎
站在彼邊田仔頭　下頦合一個合一個
哈哈　哈哈哈　叫伊趕緊來

半暝水蛙尚活動　溪頭溪尾四界吃蚊蟲
哮的聲哈哈哈　哈哈　哈哈哈
這甘不是老的水蛙仔佇咧哭
曖唷咧笑　心愛的甲伊來蹉跎
站在彼邊田仔頭　做堆合一個合一個
哈哈　哈哈哈　弄仔弄叮噹