天公伯仔你敢是刁故意 阮出世哪無含著金湯匙

無哪會別人生活彼四序 阮的三頓是佇佗位
看人推的是山珍海味 阮是逐工SEVEN 無就泡麵
看人逐暗無閒咧蹔PARTY 阮的房間只有三四坪

三聲無奈我哭悲哀 毋通仝款的表情仝款的所在
毋通乎家己繼續關佇籠仔內 喔喔喔~三聲無奈我哭悲哀

甘講繼續閣佇遮戇戇咧等待 佗位才是阮夢中幸福的境界

RAP: 悲哀悲哀加喝一聲悲哀 這條古錐的番薯哪會生甲愈來愈歪
這到底是人的命好 抑是咱的命歹 啊無哪會攏承無半點仔祖公仔屎
欲來去住踮人咧講的信義豪宅 遐空氣聽講較貴我欲來試看覓
無的確好運 連咪會出運 會當變成一个好額人尹兜的囝婿

古早古早定定甲阮教示 講若是骨力就毋驚歹八字
嘛叫咱著愛安分甲守己 千萬毋通做歹代誌
食好食醜無啥物好比 感恩知足就是上好的滋味
毋免欣羨別人外表媠媠 想空想縫　來迷失自己

三聲無奈我哭悲哀 毋通仝款的表情仝款的所在
毋通乎家己繼續關佇籠仔內 喔喔喔~三聲無奈我哭悲哀

甘講繼續閣佇遮戇戇咧等待 佗位才是阮夢中幸福的境界

RAP: 樓仔厝 是一直起 冬天若來會較好覓 因為有錢乎人判生 無錢乎人判死
這甘毋是社會常常教咱的道理 所以這个美夢上好一直做落毋通清醒
我甘願用我一生交換幸福的一暝 時也 運也 人咧講的命啊
這个世界哪會猶有遮濟遮濟哀悲

关键字:  邵大伦       [三声再无奈]       2015专辑