離別的月台票(原曲1963年松山恵子:別れの入場券)
作詞：洪換秋/洪第七　作曲：袴田宗孝

為著要甲伊相見　走甲面青青
前後悸喘攏未離　滿身流汗點點滴
無情夜車做伊來開出去　害阮看無伊
大聲叫伊名字傷心淚滴　月台票替阮悲
啊～　再會啦　再會啦　袂得再相見

料想伊會來受氣　講阮無情義
一定會怨恨阮是　假情假意對待伊
想要等到離別時再見面　表明阮心意
到如今袂得見已經失時　火車螺聲哀悲
啊～　再會啦　再會啦　袂得再相見

夜快車已經開去　消失黑暗暝
車後燈稀微閃熾　照阮目睭紅吱吱
請妳原諒阮不是不表明　阮的真情意
月台邊頭黎黎像染重病　心愛的已經去
啊～　再會啦　再會啦　袂得再相見